AZADÎ: Weçînayîşî şarê ma rê xeyrên bê

HEREKETA AZADÎ: Ma, partîyê Kurdistanî ke beşdarê weçînayîşî bîy ra HDP û HAK-PARî pîroz kenê. HDP ke ma sey yew parçeyê Îtifaqê Weçînayîşî yê Kurdistanî destek dabi ci, baraj vîyarnayo; HAK-PARî zî rayê xo di qatî zêdnayî.

AZADÎ: Weçînayîşî şarê ma rê xeyrên bê

RAYAUMÛMÎYÊ KURDISTAN Û TIRKÎYA RÊ

Bi nameyê Homayê Rehman û Rehîmî

Weçînayîşê 1ê Teşrîna Peyêne şarê Tirkîya û Kurdistanî rê xeyrên bo.

Îradeyê şarê ma, semedê ma tewr îradeyo meşrû yo.

Ma, partîyê Kurdistanî ke beşdarê weçînayîşî bîy ra HDP û HAK-PARî pîroz kenê. HDP ke ma sey yew parçeyê Îtifaqê Weçînayîşî yê Kurdistanî destek dabi ci, baraj vîyarnayo; HAK-PARî zî rayê xo di qatî zêdnayî.

Kêmbîyayîşê rayê HDPyî, zêdebîyayîşê rayê HAKPARî û xoserî îqtîdarbîyayîşê AKP ke rayê xo zêdnayî, seba sîyasetê kurdan gereka prosesê dersvetişî bido dest pêkerdiş.

Na mana de,  Weçînayîşê 1ê Teşrîna Peyêne seba kurdan namzedê yew prosesê polîtîkî yê neweyî aseno.

Bi nîsbetê rayêka muhîme xoserî îqtîdar bîyayîşê AKP  û baraj vîyarnayîş û daxilê meclîse bîyayîşê HDP ra ma fehm kenê ke; şarê ma paştgirî dano prosesê çareserîye û sîyaseto sivîl destek keno, labelê şer û kaos zî nêwazeno.

Ma bawer kenê ke nê netîceyî do weş biwanîyê. Ma fikirîyenê ke bêhêvî bîyayîş hewce nêkeno û no tablo manzarayêka tarî nênawneno.

Ma wazenê ke netîceyê nê weçînayîşî, semedê Kurdistanî, Tirkîya û Rojhelato Mîyanîn-Cografyaya Îslamî bibo wesîleya xeyr, aşitî û azadî.

02.11.2015 - Dîyarbekir

Seba Heq Edalet û Azadî Hereketê Îslamî yê Kurdistanî / HEREKETÊ AZADÎ

Sende Yorumla...
Kalan karakter sayısı : 500
İLGİNİZİ ÇEKEBİLİR X
Bıçakçılar Bayram mesaisine başladı
Bıçakçılar Bayram mesaisine başladı
Siverek'te Kurbanlıklar Pazara İndi
Siverek'te Kurbanlıklar Pazara İndi