Gereka ma wayîrê yew "polîtîkaya ziwanî" bin

Roşan Lezgîn: "Verê verkan gereka ziwanê sîyasetê ma kurdkî yanî kurmanckî û kirmanckî bo. Dima gereka ma sîyaseten wayîrê yew "polîtîkaya ziwanî" bin.

Gereka ma wayîrê yew
Advert

Hûmara 77. ya Newepelî Vejîya

 

Hûmara 77. ya rojnameyê Newepelî ancî bi muhtewayêka dewlemende vejîya.

Nuşteyê edîtorî yê na hûmare de behsê tarîxê hunerê hîkaye yê kurdkî keno. Edîtor vano "Cigêrayoxê tarîxê edebîyatê kurdkî tena bala xo danê tarîxê nuştişê eserî ser û goreyê kronoljî ra averşîyayîşê edebîyatî ma rê îzeh kenê. Bi no qayde kesê ke edebîyatî rê xizmet kerdo, benê qurbanê kronolojî."

Na hûmare de Murad Canşad nuşteyê xo yê bi sernameyê "Îtifaqê Tirkan û Kurdan" de têkilîya kurdan û tirkan a tarîxî krîtîk keno.Ugur Sermîyan nuşteyê xo yê bi sernameyê "Gozêre" de behsê rewşa Dêrsimî, bitaybetî behsa rewşa Xozatî ya nikayî keno.

Roportajê na hûmare Nadîre Guntaş Aldatmaz Roşan Lezgînî dir kerdo. Roşan Lezgîn roportajê xo de bale anceno rewşa krîtîke ya ziwanê ma ser û vano "Verê verkan gereka ziwanê sîyasetê ma kurdkî yanî kurmanckî û kirmanckî bo. Dima gereka ma sîyaseten wayîrê yew "polîtîkaya ziwanî" bin. Na polîtîka çi ya? Mesela, sîyaset senî bi nameyê kurdayetî şarî ra ray wazeno, gereka bi eynî hewes û cidîyet û xeyretî şarî ra biwazo ke bi ziwanê xo qisey bikerê, ziwanê xo rê wayîrîye bikerê. Sîyaset senî meraqdar o ke şiro meclis, gereka wina meraqdarê kurdkî bo zî. Û şar zî ganî hisîyatê xo yê milî rê wayîr vejîyo. Eke ma wina kerd, karê bînî asan ê. Yanî verê verkan hisîyatê milî, dima tesbîtkerdiş û tetbîqkerdişê polîtîkaya ziwanî."

Nuşteyê bînî yê na hûmare Nûrulah SaricanliÎhsan Tektaş,Wesîle DoguçŞeyda Asmîn û Huseyîn Karakaşî nuştê. Nê nuştoxan ra Nûrulah Saricanli reya verên a ke nuseno.

Îsmet Borî hetê Çewlîgî ra yew sanike, Sîbel Doguç zî hetê Licê ra tayê miqlatikî arêdayê. Necîbe Kirmizigul werdê ma nuştê, Ehmedê Dirihî nameyê nebatan arêdayê.

Şîîrê na hûmare zî yê Hacer Petekkaya, Alî ŞekerMuhamed Deza BaturSevîm Aydin û Şaynebî Laçînî yê.

Xebere: Zazakî.Net

Sende Yorumla...
Kalan karakter sayısı : 500
İLGİNİZİ ÇEKEBİLİR X
ASIL HEDEF ERDOĞAN!
ASIL HEDEF ERDOĞAN!
Fettahlı'dan Siverek İçin Önemli Talepler
Fettahlı'dan Siverek İçin Önemli Talepler