Şerî rê “Ney”, Kurdistanî rê Statû

Kurdistan de tarîx reyna tekerur keno; Gelê Kurdistanî reyna duştê kiştiş, wêranî û koçberî beno. Dewleta Tirke bi nameyê “yew dewlete, yew milete, yew welat, yew bayraqe” û bi usûlanê zor û tûjan wazena sîyasetê neçareserîye bidomno.

Şerî rê “Ney”, Kurdistanî rê Statû
Advert

Rayaumumî yê Kurdistanî û Tirkîya rê

Şerî rê “Ney”, Kurdistanî rê Statû

Kurdistan de tarîx reyna tekerur keno; Gelê Kurdistanî reyna duştê kiştiş, wêranî û koçberî beno. Dewleta Tirke bi nameyê “yew dewlete, yew milete, yew welat, yew bayraqe” û bi usûlanê zor û tûjan wazena sîyasetê neçareserîye bidomno.

No şero ke reyna dest pêkerdo, bîyo sebebê vilakerdişê qeza û bajaran; bîyo sebebê koçkerdişê bi des hezaranê şarê ma.

Dewleta Tirke bi rayîrê şîdetî wazena bireso hedefanê xo; la PKK zî bi nameyê “bi şero çekdarî bajaran de awankerdişê cayanê azadan” bi sîyasetê xendekî dewlete rê hîna zaf zemîno munasib virazeno. Peynî de, o ke zerar vîneno şarê ma û welatê ma yo.

Çend gamî ma ra wetêr, mîrasê însanîyetî Sûr de, Sîlopî de, Cizîre de û şaristananê Kurdistanî yê bînan de gedeyî, cenîyî, sivîlî benê hedef û kişîyenê. Meheleyanê meskûnan de bi tanq û topan qaşo “asayîş” virazîyeno. Şarê ma, wexto ke rayîr ra şino, keyeyê xo de, werdî ser o, yan zî wexto ke îbadet keno, bi top û tanqan û roketan yan zî bi guleyan yeno kiştiş. Birîndarî nêeşkenê şêrî nêweşxaneyan, cenazeyanê merdeyan bi rojan kuçeyan de manenê, tu kes nêeşkeno midexele biko.

Cenazeyanê tayê hemwelatîyan bi hewteyan keye de maneno, musade nêbeno ke defn bibê û wecîbeyê dînî bêrê ca.
Aîleyê ke mecbûr mendê keyeyê xo terk bikê, keyeyanê şinasî û dost û eqrebayanê xo de mîyanê şertanê perîşanî de, veyşanî û serdî de mucadeleyê heyatî danê. Ekonomî îflas kerda. Ardimo ke yeno kerdiş, hemverê nê felaketê pîlî de, malesef qîmê çîyêk nêkeno. Hetkarîya tayê dezgeyanê sivîlan asteng bena. Îdareyê mulkî û mehelî no ware de teşebusêko cidî nêkenê.

Nê rojanê peyênan de, bi taybetî hemverê gede, cenî û şexsîyetanê sîyasîyan de êrişî zêdîyayî. Reyna behsê girewtişê partîyanê sîyasîyan û behsê “bedel dayîş”ê sîyasetmedaran beno. Eşkera yo ke têgêrayîşêko winasî do probleman hîna têmîyan biko, rayîrê çareserîye do zêdetir bixetemno û do eleyhê menfeetê Kurdistanî û Tirkîya de netîceyan bido.

Ma hemberê na rewşa talûke û nemerdimane, seba mudexeleyî vengdanê heme dunya. Ma reyna vengdanê Neteweyê Yewbîyayeyî (NY), Yewîya Ewropa (YE), Hukumetê Başûrê Kurdistanî û heme pawitoxê heqê merdiman ke nê şerî vindarnê, Dewleta Tirke û PKK ser o mudexeleyanê bitesîran bikê.

Ma vengdanê heme Walîyan, Qeymeqaman, Şaredaran, Weqifan, Dezgeyanê Sivîlan û karsazanê Kurdistanî û Tirkîya ke semedê şarê ma yê Sûrî, Cizîre, Silopîya û bajaranê bînan, hetkarîyêka hîra ya însanî û acîl organîze bikê.

Gereka gama verêne de Dewleta Tirke û PKK derhal adirbest îlan bikê û bi awayêko mayînde şer vindarnê. Hetanî ke na game nêerzîya, rayîrê dîyalog û çareserî nêabeno. Gereka heme partî û rêxistinê sîyasî yê vakurê Kurdistanî, garantoranê mîyanneteweyî reyde bibê muxatabê Dewleta Tirke û yew prosesê çareserî yo newe dest pêbiko. Gereka Dewleta Tirke tanq û top û leşker û tîmanê xo yê taybetan mîyanê bajaran ra bianco û gereka heme xendek û barîkatî zî hewanîyê. Dewleta Tirke gereka qedexeyê kuçeyan hewano û îmkan bido ke heyat normalîze bibo.

Persa Kurd û Kurdistanî, gereka bi munasibê teamulanê huqûq, edalet û seypêyî yew statu reyde; bi rayîr û usûlanê aştîyane; bi awayêko sîyasî çareser bibo. Coka, ma vanê “Şerî rê Ney, Kurdistanî rê Statû” û ma vengdanê heme şarê xo ke, hêz û paştgirî bido nê waştişanê ma.

Ma sey partî û hereketê vakurê Kurdistanî reyna eşkera kenê ke ma çareserîya meseleya Kurdistanî de mabênçî nîyê; ma bixo teref ê. Ma sey terefê Kurdistanî, seba çareserîyêko adîlane û mayînde, amade yê ke Dewleta Tirke reyde zî, PKK reyde zî, Dewleta Federe ya Başûrê Kurdistanî reyde zî, Neteweyê Yewbîyayeyî (NY) û Yewîya Ewropa (YE) reyde zî yewbînvînayîşan bikê. Ma şarê xo ser o nê şerî û na wêranîye qebûl nêkenê.

Rayaumumîya Kurdistan û Tirkîya rê bi hurmet.

08.01.2016 Dîyarbekir

HEREKETÊ AZADÎ, ÖSP, PAK, PAKURD, PDK-BAKUR, PSK

Sende Yorumla...
Kalan karakter sayısı : 500
İLGİNİZİ ÇEKEBİLİR X
Siverek-Hilvan Arası Kaza; 9 Aylık Bebek Hayatını Kaybetti
Siverek-Hilvan Arası Kaza; 9 Aylık Bebek Hayatını Kaybetti
Siverek'te Taşımalı Eğitim Öğrencilerine Yönelik Örnek Proje
Siverek'te Taşımalı Eğitim Öğrencilerine Yönelik Örnek Proje