HEC LU
MEVLÜT BAYRAKTAR

HEC LU

HEC LU

 

Deménd lu yé bena véşi fené cı estibi. He ma çoşmandé cıra arwéşé, zerejé u diksıléman é bené sekena, né kana nışena ina tepéşo u buro.

Şına vera arwéşi, arwéş wınénok luya yena vera cı se kewno çehar pay u remeno, lu çend nışena dım se néşena tepéşo.

Zerej tahta miyand tım veyndano lu tahta miyand çend xü numena u şına vera zereji zi, zerej luer dineno se vano fırrrr u pereno. Lu wıni dıma wınéna.

Eni wıni diksıléman zi keno.

Lu eré nina werdış beno dert, şew u roj dışılmışi beno “ vana ezo nina seni tepış u bur”

Rojé fené na bol weş yena aqıldé çı. Xu buxü vanak “ e nafın ez nina na fenda xüya bol rehat ezo tepış u bur”

Beno sewra lu fına şına mıntıqada arwışi. Arwış şewraw oyo xüré çereno, lu arwışira duri rawırena u vera arwışi néşına.

Arwış vıryayışé lu er fahm keno, xu buxüré vanok “ hela, hela sebiyo na lu er, na roj qoré amé u nışté mı dım, hema nafın qe mırazi néwınéna” merak keno u veyndano lu er

_ la lu é sebiyo to wına, tiya mıra né wınéna u ravırena?

Lu vındena u vanak

_ la arwışo piso heram, tı qe nışermayené mıré vané lu, eza şına hec, mıré nıkara deha vaj hec lu é

Arwış beno nerm

_ tiya raştéy şına hec?

_ raşteyyu, néraştıyyé heci esto. Eza raşteyya şına. Gunayé mı boli, ez şır hec bena ella gunayané mı efkero. U tızi heqé xü mıré helalk, mı toré bol tahda kerdo.

Arwış solıxé vındeno u vanok

_ la hec lué, tiya şına hecse, ezi todér bir.

_ béri bıra, mado xüré piya embazi bıkeré u şıré u biré.

Arwış kewno ray u şıno kewno lu er dım. Qıse, qéseya resené mıntıqada zereji. Zerej wınénok lu a vernid, arwışo dıma éyı şıné. Ozi merak keno u veyndano.

_ la,la lu u arwış şımayé wına piya şıné koti?

Lu vanak

_ la zerejo piso heram, maré mevaj lu u arwış.

Zerej vanok

_ ez şımaré sevaj?

_ maré vaj hec lu u hec arwış, çimki mı nu hec arwışya mayé şıné hec

Zerejji solıxé vındeno u vanok

_  şıma mızi embaz qebul nékené, ezi qayıla şımadır bir hec. Lu vanak

_ béri bıra. Mado birarina xüré şıré hecé xü bıkeré u biré.

Zerejji kewno ina dım u şıno. Tayn şıné bol şıné resené mıntıqada diksılémani. Diksıléman a siyerra xü arzena na siyer, na siyerra xü erzena a siyer. Wınénok lu kewta arwéşi u zereji verni u éyé şıné. Ozi merak keno u veyndano

_ lu é,lu é wına şımayé şıné koti

Lu eni eyrızi zey ina vana. Diksıléman zi vano ez qayıla şımadır bir, eyzi qebul kené u kewné ray.

Lu vernid arwéş, zerej u diksıléman dıma şınéw şıné. Lu nina tım çoşmındé keriyo doş kena. Heta beno şan u tari. Arwéş vanokké

_ hec lué bi şew, ma na şew caınd raviyarné, bı şewrase ma raya xü devam keré

Lu vanak

_ beno, mı dıma béré, ez tiyad qülé zana, ma emşo na qüld raviyarné, şewra ma raykewé.

Solıxna resené qül. Lu vanak.

_ bırayéno şıma şıré dekewé na qül, u xüré rakewé, ezi qül vero kewna, qené çi miyé nina şımaré zırar nédano.

Pıro lu eré vanék “ella razibo hec lu, tı çı rında” u şıné kewné qül u rakewné, lu zi qül vero kewna.

Beno şewra zereji u arwéşiya veyndané lu er

_ hec lu é biyo şewra, qüler vera werz ma raya xü devam keré

Lu viyena u vanak

_ uuuuu arwéşeké mı, ray heta tiya bi. Nino to viri ez veyşanbiya mı kerdé biro to tepéşo, tı fırtanfırti remey u qe xü peynizi nıwıniyay. Böwni ez to wına ana fen ser.

Zeré arwışi u embazané çı vısıno.

_ la hec lué wına mek ma tora emel kerdıb, yané modo bışiyay hec. Sekené nıkené lu vanak

_ reyayışé şıma çınyo, ezo şıma jew, jew bur.

Penci kena qül zere u arwéşi kaş kena xü bın, arwéş çend xü hülo kenozi, fıné kewto pencandé lu ér bın, réyayışé cı çınébeno. U, lu uja arwéşi wena. Bena mırd u qül vero kewna. qüld, zerejiw u diksılémaniya tewa mergi géné u tersenra lerzené

Bena dıhir lu bena veyşan, werzena u seri kena qül zere, u vanak

_ ey zerejé mıno lıng sur, nafın wahdé toyo.

Zerej çend geyreno lu er ver zi, efé lu er çınébeno u zereji kaş kena xü bın. U wena. Zereji dıma egayrena diksılémani ser.

_ ey diksılémané mıno werdék, yeno to viri, ez çend nışté to dımzi, to xü a siyara eşté na siyer u mı néşay to tepéşo. Bewni tu u embazandé xüya seni büxü amay kewti mı dest.

Diksıléman vanok

_ e wıl lu yé nafın tı bol fenkar vıziyé u na fendé xüya to embazé mı werdi u kena mızi buré, hema tora aseno, gané mı u goşté mı hendé loqmıno, tı mı burézi mına mırd nébena. Bı mıno toya ma piya qewlé vırazé

_ no qewl senino vana lu. Diksıléman vanok

_ bé tı mı mew, ezo zi toré her roj çend kergi biyar, herunda mıd, roj qoré kergi bu.

Lu vındena u vanak

_ tıdo seni mıré kergi biyaré? Diksıléman vanok

_ mınu toya mado şıré dew nezdé, tıdo xü qunçé peyd bınumé, ezo şır dew miyand kerga het, kergido mı bıdiné u mı dımnışé, ezozi é kerga winya biar, to het u tıdo uza é kerga tepéşı u buré.

No fıkır kewno lu er aqıl u vana “ beno”

Beno şewra lu u diksılémaniya kewné ray u şıné dewda en nezdi het. Dewra yené nezdı se, diksıléman vanok

_ tı a na qunç peynid xü bınum,  çoşmandé dew kergi esté, ez e nıka toré kergi ana.

Lu xü qunçer peynid numena, diksılémanzi şıno vera dew miyan. Şıno dewra nezdık, çend taji éyé sıloy sero kay kené. Diksıléman xü buxüré vanok

“ ez nafın heyfé embazandé xü luera gına”

U şına vera tajiya, şına tajiyara nezdı se, taji ney dinené u nışené dım. Diksıléman veré xü dano vera lu er u remeno u tajizi kewné radım. Lu wınénak diksıléman oyo vera cı yeno u tajiyé dıma. Xü qunç peynid tut kena u diksılémaniré vana “ la bı mıraz vera tiya mı”

Diksıléman şıno qunçak luer xü peynid numıtose ay sero anışeno, taji qunçera bené nezdı u lu wınınak tajido serogünose u fırtan fırti remena, taji wınénék vera lu remése u kewné lu er dım. Lu çend remenazi taji delhal resené lu er u erzené erd. É taji a luer xü miyand kené lete u lebare.

Diksılémanzi qunç sero wınéno haldé lu era  o xü büxüré vanok “ eee lu é, fen sero fen esta, to seni fen na embazé mı werdise, fenda to gırdérira mızi fen vıraşt u heyfé embazandé xü mı gırot”

 

Bazı sözcüklerin anlamı.

  1. diksıléman ( büyük çekirge)
  2. qunç          ( sürülen topraklardan ayıklanmış taş yığını)
  3. fen             ( hile, tuzak)
  4. zerej           ( keklik)
  5. arwış          ( tavşan)
  6. qül              ( delik, in)
  7. taht              ( taşlık)
  8. kergi            ( tavuklar)
DİĞER YAZILAR
Sende Yorumla...
Kalan karakter sayısı : 500
İLGİNİZİ ÇEKEBİLİR X
İhtiyaç Sahibi Öğrencilere Kırtasiye Yardımı
İhtiyaç Sahibi Öğrencilere Kırtasiye Yardımı
Siverek'te Yangın Korkuttu
Siverek'te Yangın Korkuttu